თქვენი Ataro-ს ანგარიშის წაშლა

Ataro არის მობილური აპლიკაცია ავტომობილის მფლობელებისთვის საქართველოში. თქვენ ნებისმიერ დროს შეგიძლიათ მოითხოვოთ თქვენი Ataro-ს ანგარიშისა და მასთან დაკავშირებული პერსონალური მონაცემების წაშლა. ამისთვის აპლიკაციის დაინსტალირება საჭირო არ არის.

ვარიანტი 1: წაშლა აპლიკაციიდან

1. გახსენით Ataro და გადადით პროფილის გვერდზე
2. აირჩიეთ "Delete user"
3. დაადასტურეთ წაშლა

ვარიანტი 2: წაშლის მოთხოვნა ელფოსტით

თუ აპლიკაცია აღარ გაქვთ დაინსტალირებული, მოგვწერეთ მისამართზე support@ataro.ge თემით "ანგარიშის წაშლა". გთხოვთ, მიუთითოთ ანგარიშზე რეგისტრირებული ტელეფონის ნომერი, რომ შევძლოთ მისი იდენტიფიცირება.

რა იშლება

თქვენი ანგარიში და ავტორიზაციის მონაცემები
პერსონალური მონაცემები: სახელი, ტელეფონის ნომერი, ელფოსტის მისამართი
თქვენ მიერ დამატებული ავტომობილები
შენახული საგადახდო ბარათები
push-შეტყობინებების პარამეტრები და მოწყობილობის იდენტიფიკატორები

რა ინახება და რატომ

ვინახავთ მხოლოდ შემდეგს და მხოლოდ იმ ვადით, რასაც კანონი ითხოვს:

გადახდების ჩანაწერები. Ataro-ს მეშვეობით განხორციელებული ტრანზაქციები — გადახდილი ჯარიმები, შეძენილი დაზღვევა, გამოწერის გადასახადები — ინახება როგორც საბუღალტრო ჩანაწერი. საქართველოს საბუღალტრო და საგადასახადო კანონმდებლობა ამას გვავალდებულებს და ეს ვალდებულება თქვენი თანხმობისგან დამოუკიდებლად არსებობს.

Ataro-თი გადახდილი ჯარიმების ჩანაწერები. თუ ჯარიმა Ataro-თი გადაიხადეთ, ამ ჯარიმის ჩანაწერი ინახება ზემოაღნიშნული გადახდის ჩანაწერის ნაწილად. ეს ჩანაწერები შეიცავს სახელს, გვარსა და პირად ნომერს, რომელიც სახელმწიფო სისტემამ ჯარიმასთან ერთად მოგვაწოდა.

ეს ჩანაწერები აღარ არის დაკავშირებული არცერთ ანგარიშთან. თქვენი ანგარიში, სახელი, ელფოსტის მისამართი, ტელეფონის ნომერი და პირადი ნომერი წაშლილია, ხოლო დარჩენილი ინფორმაციით შესვლა ან თქვენი იდენტიფიცირება აპლიკაციაში შეუძლებელია.

ჯარიმები, რომლებიც Ataro-თი არ გადაგიხდიათ, ყველაფერთან ერთად იშლება.

რა ვადაში

წაშლის მოთხოვნას ვამუშავებთ მიღებიდან 30 დღის განმავლობაში. წაშლის დასრულების შემდეგ მიიღებთ დადასტურებას ელფოსტაზე.

კითხვები

თუ გაქვთ კითხვები ანგარიშის წაშლასთან დაკავშირებით, დაგვიკავშირდით მისამართზე support@ataro.ge.

‍